Իրանում վերջին մեկ օրում ախտորոշվել է կորոնավիրուսի 3111 նոր դեպք, իսկ վարակվածների ընդհանուր թիվը հասել է 44 606-ի: Ինչ վերաբերում է մահվան դեպքերին, վերջին 24 ժամում մահացել է 141 պացիենտ, կորոնավիրուսի հետեւանքով մահվան դեպքերի ընդհանուր թիվը Իրանում հասել է 2898-ի: Այս մասին հայտնել է առողջապահության նախարարության մամուլի քարտուղար Քիանուշ Ջահանփուրը:
Ինչպես հայտնում է Mehr-ը, արդեն առողջացել եւ հիվանդանոցներից դուրս են գրվել 14 656 պացիենտներ: 3703 պացիենտներ հիմա ինտենսիվ թերապիայի բաժանմունքներում են, եւ նրանց վիճակը կրիտիկական է:
Նշենք, որ Իրանը վարակման դեպքերի բացարձակ թվով ներկայումս աշխարհում 6-րդ տեղում է՝ ԱՄՆ-ից, Իտալիայից, Իսպանիայից, Չինաստանից եւ Գերմանիայից հետո:
Հետևեք NEWS.am Medicine-ին Facebook-ում և Twitter-ում